البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
القصيدة : والبونيه ذلحين قديه مزهره

الشاعر: الخفنجي

أخفاء الحركات (لقراءة أسهل)

القافية : قاف - صفحة 1   ( عدد الصفحات : 4 )

1    والبونيه ذلحين قديه مزهره من بعد ما كانت مراهق
2    بالبير والحمام والسمسره والسوق ومخبازة فحايق
3    وغربي الحانوت والمجزره لصالح العنسى طوابق
4    وناس من الجيران معه مبخره دخانها في الجو عابق
5    يا من معه موضع عنب له طريق والا تقفز فوق الاعقاب
6    والا فعل له في الجبا منجنيق والا وقع شاطر بقبقاب
7    والا فزوج اجناح لمثله يليق يبقى يحوم بين غراب
8    تبسر جميع الناس في زوبره يشتوا يخلوها زقاوق
9    كيف كان فيها الزهر وقت الربيع وسوحها مفروش قطيفه
10    والجو ناشر برد نسجه رفيع وغيم فيه رقه لطيفه
11    وسوحها من كل جانب وسيع تخرج إلى قيعان تحيفه
12    وتنظر اعناب كلها مزهره منثور انواع الشقايق
13    وفي البساتين الثمار ناعسه مشمش وخوخ مثل الملاجع
14    وتحته أغصان القدود مايسه غزلان من ناهد وراجع
15    هذه تقوم تسجع وذه جالسه بالدف تروي كل سامع